Жиі қойылатын сұрақтар
Қазақстанның Қызыл Ай қоғамының табиғи апаттардың зардаптарын жоюда және халықтың әлеуметтік осал топтарына көмек көрсетуде 85 жылдан астам тәжірибесі бар. Сондықтан Қазақстан Қызыл Ай қоғамының төтенше жағдайлар кезінде жергілікті жерді, оның тілін, мәдениетін, түйткілді мәселелерін білетін және оқиға орнына жылдам жете алатын командасы бар.
Қазақстанның Қызыл Ай қоғамының ерекше тиімділігін, басқа ұйымдарға рұқсат болмауы мүмкін аудандарға қол жеткізу мүмкіндігін беретін бейтараптықты қоса алғанда, негіз қалаушы жеті қағидатпен біріктірілген еріктілер желісі қамтамасыз етеді. Қазақстанның Қызыл Ай қоғамының барлық қызметкерлері бір ғана мақсатты: тұрғылықты жеріне, нәсіліне, саяси ұстанымына, дініне, әлеуметтік мәртебесіне немесе мәдениетіне қарамастан, ең мұқтаж жандарға көмек көрсету мақсатын басшылыққа алады.
Біздің қызметіміз туралы толығырақ redcrescent.kz ресми сайтымыздан біле аласыз
Онлайн қайырымдылық туралы
Дұрыс электронды пошта адресін көрсетсеңіз, қайырымдылықтың қабылданғаны туралы растау аласыз.
Егер Сіз 15 минут ішінде электронды поштаңызға растау алмасаңыз, бізге қайырымдылықтың қабылданғанын растау туралы өтініш жолдаңыз
Тұрақты қайырымдылық жасау
Қазақстанның Қызыл Ай қоғамына қолдау көрсетудің басқа да жолдары
Өкінішке орай, біз халықтан заттай қайырымдылық көмекті ерекше жағдайларда ғана қабылдаймыз. Бұл туралы ақпарат біздің сайтымызда, сондай-ақ әлеуметтік желілерде жарияланады. Біз дәрі-дәрмектерді қабылдамаймыз.
Көмек көрсету бағдарламаларының құрылымы өте күрделі. Барлық тауарлар өте қатаң сапа стандарттарына сай болуы және олар қолданылатын жер мен ортаға сәйкес келуі тиіс. Бұған қоса, заттай көмек алынған тауарларды сұрыптау, сақтау және тасымалдау үшін елеулі адами және материалдық ресурстарды қажет етеді
Көптеген компаниялар өз қызметкерлерінің гуманитарлық тұрғыдағы бастамасын қолдайды, соның ішінде қайырымдылық жасауға ынталандырады: мысалы, қызметкерлерден қайырымдылық қаражатын жинағаннан кейін компания өз атынан дәл сондай соманы немесе оның бір бөлігін қоса алады. Қазақстанның Қызыл Ай қоғамы мұндай бастамаларды құптайды, бірақ мұндай бағдарламалардың әкімшілік жағы барынша қарапайым болуы тиіс. Осыған байланысты:
Қызметкерлер — жасаған қайырымдылықтарыңыздың растауын жұмыс берушілеріңізге ұсыныңыздар. (Қайырымдылық төлемін онлайн жасайтын болсаңыздар, түбіртек электронды пошталарыңызға автоматты түрде жіберіледі). Осыдан кейін компанияларыңыз өз үлесін қоса алады. Банктік аударым жасайтын болсаңыздар, электронды пошталарыңызға қайырымдылықтың қабылданғанын растайтын хат сұратуларыңызға болады.
Жұмыс берушілер — қызметкерлеріңізден жасаған қайырымдылықтарын растайтын түбіртектерді ұсынуын өтініңіздер. Содан кейін кез келген қолайлы тәсілмен: онлайн төлем немесе банктік аударым жасау арқылы өз үлестеріңізді қосыңыздар. Қайырымдылық сомасын есептегенімізді қаласаңыздар, қаражат жинау бастамасын қолға алмай тұрып, бізге хабарласыңыздар. Осылайша, бізге қызметкерлеріңіздің қайырымдылық қаражатын қадағалау жеңілірек болады
Қазақстанның Қызыл Ай қоғамының қызметі тек ерікті қайырымдылық жасау есебінен қаржыландырылады. Сондықтан бізді қолдағысы келетін барлық компаниялар мен ұйымдарға алғысымызды білдіреміз.
Сіз біздің корпоративтік серіктестерге арналған бөлімімізбен таныса аласыз немесе, ай сайынғы қайырымдылық сомасын өзгерткіңіз келсе, бізге жазыңыз.
Иә! Қазақстанның Қызыл Ай қоғамының қызметі ерікті қайырымдылық жасау есебінен қаржыландырылады, сондықтан біз қызметімізді жүзеге асыруға қаражат жинаған барлық адамдар мен ұйымдарға алғыс айтамыз.
Дегенмен, бізде қатаң этикалық ережелер бар және біз серіктестеріміздің оларды сақтауларын сұраймыз. Түсінбеушілік туындамауы үшін бізге келісу мақсатында жобаңыздың қысқаша сипаттамасын жазыңыз. Бұған дейін рұқсат бермеген болсақ, науқанның дереу тоқтатылуын талап ету құқығын өзімізге қалдырамыз
Қазақстанның Қызыл Ай қоғамының логотибін қолдану қатаң ережелермен реттеледі. Қызыл Крест және Қызыл Ай эмблемасы, ең алдымен, қарулы қақтығыстар кезінде Женева конвенциялары ұсынған қорғаныстың символы болып табылады. Оның алдағы уақытта да осы мақсаттарға сай болуы өте маңызды.
Сондықтан Сіз біздің логотибімізді жазбаша түрде айқын келісімімізді алған жағдайда ғана қолдана аласыз. Біздің логотибімізді қолдануды бастамас бұрын бізге өз науқаныңыздың қысқаша сипаттамасын жіберуіңізді өтініп сұраймыз.
Егер біз Сізге рұқсат бермеген болсақ, біздің логотибімізді сайтыңыздан дереу алып тастауды талап ету құқығын өзімізге қалдырамыз.
Алаяқтық электронды хабарламалар мен сайттар
Кейбір алаяқтық сайттар қақтығыс немесе табиғи апат құрбандарына қайырымдылық жасауды сұрап, Қызыл Крест/Қызыл Ай атауларын немесе эмблемаларын қолданады. Қайырымдылық қаражатын тек ресми арналар арқылы аударыңыз.
Қазақстанның Қызыл Ай қоғамының қызметі туралы ақпараттың бірден-бір ресми дереккөздері — біздің www.redcrescent.kz сайтымыз және Instagram желісіндегі @redcrescent.kz ресми парақшамыз.
Сондай-ақ кейбір алаяқтар электронды пошта арқылы адамдарға жұмысқа орналасу немесе курстан өту, немесе шын мәнінде жоқ конференцияларға қатысу мүмкіндігі үшін ақы төлеуді ұсынатын хабарламалар таратады.
Электронды поштаңызға күтпеген жерден қандай да бір күдікті хабарлама алсаңыз, онымен мұқият болыңыз.
Қазақстанның Қызыл Ай қоғамының ресми электронды поштасының адресі әрдайым @redcrescent.kz деп аяқталады. Біздің домендік атауымызбен байланысты емес хабарлама алсаңыз немесе күмәныңыз болса, бізге жазыңыз.
Таратылымға жазылыңыз
